Solothurn - Obach, Fusion und von Rohr: Die Sprüche vom Höfli-Singen

48 Bilder

48 Bilder

Der Höfli-Singen-Moderator als Klimaforscher

Hansjörg Sahli

Hier eine Auswahl der Schnitzelbank-Sprüche:

Ambassadore Bäse

Hansjörg Sahli

Bipperlisi... oder öppe doch nid?
Quitsche, knarre, chrächze duet s, holpere und rattere.
Es rasslet, giiret, dröhnt e chly, d Ohre fö a Flattere.
Is Hirni dringt s metallisch schrill, die Tön si nid normal.
Müesstisch das ständig ghöre, wär s e ächti Qual.
Nid s Bipperlisi isch do gmeint, das finde mir e Pracht.
Nei, so tönt d Frau Gassler, wenn si ihres Mul ufmacht.

Sitzli
Dr Pirmin sitzt glücklech deheime am Tisch,
will är ir Familie jetz nüm dr Chlinscht isch.
D Bettina het Sorge, nid nume es bitzli:
Jetz brucht s jo im Auto es zwöits Chindersitzli.

Füuzlüüs

Hansjörg Sahli

G.O.R.P.S.

Hansjörg Sahli

Klinik Obach schliesst und das isch schlächt für d’Region
Uf Druck vom Amt für Gsundheit d’Notfaustation
S’rändieri nümm, heissts dürte wüu s’hebe ebe doch
D’Notfäu starch abgnoh sit däm der Nikki Ruscht nüm choch

Näbuspalter

Hansjörg Sahli

Im Dütsche ähne g’seh si schwarz, es chöme gäng wie meh
uf ihr‘ne Boot durquere si sogar dr Bodesee
jetz dänket dir ganz sicher s’handlet sich um d’Flüchtlingsmasse
oh nei si d’Schwizer wo de Stutz im Schwobeland verprasse

Rampesöi

Hansjörg Sahli

S’nöchst Johr gits z’Amerika e nöie Presidänt,
und me frogt sich irritiert, wär wird dr nöi Regänt?
Mir bitte öich, so näht ne nid, dä himmutruurig Lump,
de passt üs aber gar nid öppe, dä doofi Donald Trump,
näht doch lieber die Fasnachtsfrou, es isch e wunderbaaari
mir meine die vom 13. Jänner, die heisst doch au HILAAARI!

Schnädderhäggse

Hansjörg Sahli

Einisch grad bim Zwöufichlapf do het's Längfinger gha
hei Honolulu plünderet / beschtole Ma für Ma
nur eine het ys Füschtli glacht / däm het me gar nüd gno
denn bis zum Fritz syr Täsche-n-abe isch dä Dieb nid cho

Schüufrohrsänger

Hansjörg Sahli

Biberischt gubs jo de nümme,
Ebefalls öu Däredinge.
Luterbach dört a der Aare,
öu dä Name würd me spare.
Drum säge die, mir si nid dumm,
mir blybe lieber Solo drum.
Nur Zuchu, Little Istanbul,
fingt cool würd äs zu Soledurn.

Voceria

Hansjörg Sahli

Von Rohr Chris bruucht Gäud - Drum het VW ihn gwäut
Wüu s’Motto vo däm Chaare: - Meh Dräck bruuchsch Du zum Fahre
Dr Stress dä sich passé - Bim Abgastescht hesch gseh
Jetz wird uf einisch klar- Fahr lieber Bobby Car

S‘ bruucht es nöis Spitau - Doch s‘ Boue isch fatal
E Lift darf do nid si -Seit d Chrankekasse gli
Mir wie nur fitti Lüt -Die Chranke wie mer nid
Zum Opa ufe muess - Ig z fuess die Stäge uf

Elisi

Hansjörg Sahli

Dr Andy Zaugg hört jetze uf,
zum Choche fäut ihm jetz der Schnuuf.
Vermöge dört nid mou e Suppe,
- drum isch üs das- trotz Stärn schnuppe.