Sarmenstorf
Jetzt brünzeln auch die Schnodersieche ihre Versli

Premiere gestern Abend in Sarmenstorf. Neben den bereitslegendären AFS waren erstmals auch die Schnodersieche als Schnitzelbänkler unterwegs. Ein paar Müsterchen.

Toni Widmer
Drucken
Viel los an der Sarmenstorfer Fasnacht – ein Schnappschuss vom Scheesewagerönne. Verena Schmidtke

Viel los an der Sarmenstorfer Fasnacht – ein Schnappschuss vom Scheesewagerönne. Verena Schmidtke

Wa macht ächt au de Ochse-Küde met de zuene Bar?

Mer händ gmeint sie sig verchauft,

sig längschtens alles klar.

E leeri Beiz da muess ä rändiere,

do hämmer eusi Müeh, s’hed huere pressiert,

de Schponte god zue, leider 19 Mönet z’früeh.

Schnodersieche

De Mäni dä isch ganz en stille,

neuschtens isch es Elektroauto sin Wille.

Still und lisli fahrt er, s cha eim gruuse,

und wie im Gmeindrot, chond nüt hinde use.

AFS (Anonyme Fasnächtler Sarmenstorf)

Met tschutte, jo do klappets ned,

er cha ned guet schongliere.

Drom tued er jetzt im Fuessball

halt als Schiri fonktioniere.

Es esch no schwerig ond ned eifach

Basel-GC leite.

Vom Amhof Sascha, drei falschi Pfiff,

scho gets e riese Pleite.

Schnodersieche

Erfolgrich und mit vell Bravour,

tuet s’Fuessball zwoi ufstiege.

Leider spelids henderem A

jo glich die zwoiti Gige.

Zom 7. Rang ond gueter Leischtig,

tued mer sie beniede. Drom settmer doch,

ond mer meinits ehrlech, bim 1 gos B abschniede.

Schnodersieche

Die zwei Döbeli-Schwinger sind scho Möcke,

Gegner chönd meischtens Sagmähl schmöcke.

Die send no besser als de Magnus frühner,

bald händs im Langemoos me Muni als Hühner.

AFS

Schinbar isch de Ochse doch nid verchauft,

uf jede Fall es Inserat no lauft.

De Priis vom Huus isch im Internet,

eus interessierts aber, was er für de Schneepflug wet.

AFS

Jetz ged de Ruckli rechtig Gas,

hed sogar en Online-Shop.

Chasch Chröm ond Schoggi am PC bschtelle,

da esch ganz eifach top.

Chasch alles scho im Vorus bueche,

muesch am Samschtig nömm pressiere,

Ond s’Beschte esch, chasch online

grad de Parkplatz reserviere.

Schnodersieche

Fifa oder Beckenbauer,

Platini, Blatter, wer isch schlauer?

Also de Beschti vo däne Viere,

isch de Blatter Sepp im Schmiere.

AFS

Bi eusem FC das isch nöi, Sarmistorf 1 isch schlechter als s zwöi. So viel Fähigkeite vom Trainer muess mer ehre, drum wänd mer im Täschi

d Wahl i d Schulpfläg nid verwehre.

AFS

Aktuelle Nachrichten